الخميس، 17 يونيو، 2010

بلاش نظلم بعض


اليك يصرخ قلبى من كثرة جراحاته
محتاجه لك اوى يارب حقيقى محتاجه إيدك تسندنى وتمسح دموعى
ومحتاجه صوتك يطمنى
مالى غيرك أعنى يا رب على حالى وأبعد عنى أى إنسان ظالم
انا مش زعلانه من الظلم اللى اتعرضتله لأن بسببه ربنا عوضنى الحمدلله

لكنى صعبان عليا نفسي أوى.. أنا مقدرتش اقول حتى
"حسبـــــي الله ونعم الوكيـــــل"
انا عارفه ان فى ناس قلوبها وضمايرها ميــــتـــــــــــه
وبيظلموا بدون مايحسوا انهم بيعذبوا غيرهم بالظلم ده

لكن الكارثه ان القلوب الطيبه اللى بتحب ربنا تظلم وتقسى وتجرح

ازااااااااااااااااى؟؟؟؟؟؟؟؟؟؟؟

ازاى القلب اللى بيحب ربنا ينام وهو ظالم انسان ؟؟

ازاى بيغمض عينه وينام؟؟؟؟؟؟؟؟؟
ازاى يسعد بحياته فى الوقت اللى في انسان بينزف بسببه؟؟

أنا نفسي افهم ليــــــــــــه
انسان يكون كويس ويعرف ربنا وبيخاف منه
وفى لحظه يتحول لإنسان ظالم؟؟

وحتى لو ظلم ليه مش بيفوق؟؟

ازاى قلبه ينسى الرفق والرحمه بالضعيف ويستقوى على انسان مجروح؟؟

ليــــــــــــه يتقال عليه ظالم بسبب كلمه او وعد مااتنفذش؟؟

ليــــــــــــه يستبدل راحة البال وراحة الضمير بالقسوه؟؟

ليــــــــــــه بدل مايمد إيده لإنسان مجروح ويخفف عنه جرحه
يستغل جرحه فى انه يعذبه أكتر ويزود عمق الجرح ؟؟

حتى لو هو مش هيقدر يخفف عن انسان جرحه
على الأقل يسيبه فى حاله ومايكونش سبب لعذاب جديد له.

مش عيب ان الإنسان يغلط

احنا بشـــــــــــر مش ملايكه

لكن العيب ان الإنسان يصـــــــــر على الغلط

آآآآآآآآآآآآآآآآآآآه

لو يعرف الإنسان اللى بيجرح او يظلم
ان الدنيا والله ماتستاهلش اننا نكون سبب لدموع أى انسان

الدنيا رحله قصيره اوى

واللى بيخلى الرحله دى جميله اننا نسعد اللى حوالينا مش هنخسر حاجه

بالعكس هنكسب حاجات كتير

هنكسب حب الناس واحترامهم ورضا ربنا

وهنكسب راحة البال والقلب والضمير

ولو مش هنقدر نسعدهم مانكونش على الأقل سبب لدموعهم

***************************
يا رب بحق جاه نبيك محمد عليه أفضل الصلاة و السلام
تنولي كل اللي بتمنااااااااااه

إنت اللي عالم إيه في القلوب

يارب باركلى فية واحفظة من كل شر وسوء

يارب احفظة واحمية وصونة وخلية ليا

يارب ارزقة من حيث لا يحتسب

يارب اجمعنا فى بيت واحد فى الحلال عاجلا وليس أجلآ

يارب اشفينى واشفى أمى وجميع مرضى المسلمين

يارب اغفر لنا وارحمنا فأنت ارحم الراحمين

أمين يارب العالمين